កំពង់ស្ពឺ៖ អភិបាលក្រុងច្បារមន ខេត្តកំពង់ស្ពឺ ដឹកនាំក្រុមការងារចុះពិនិត្យការរៀបចំដាំផ្កាលម្អ និងប្រព័ន្ធរំដោះទឹកក្នុងក្រុង ដើម្បីលើកសោភ័ណភាព។

អភិបាលក្រុងច្បារមនលោក ហុក ម៉ារ៉ាឌី បានប្រាប់ EAC News ថានៅព្រឹកថ្ងៃទី២២ ខែកញ្ញានេះ លោកបានដឹកនាំកម្លាំងចុះពិនិត្យសោភ័ណភាពខេត្ត នៅតាមសង្កាត់ស្វាយក្រវ៉ាន ដោយបានពិនិត្យលើការដាំផ្កា លម្អសួន រៀបចំកន្លែងចោលសម្រាមគ្មានរបៀបមួយកន្លែង កាត់ស្មៅតាមសួនពុះទ្រូងផ្លូវ និងពិនិត្យការសាងសង់លូរំដោះទឹក ៣កន្លែង ដើម្បីរៀបចំសណ្ដាប់ធ្នាប់ ក៏ដូចជាសោភ័ណភាពខេត្តឱ្យកាន់តែល្អប្រសើរ។

ក្រុងច្បារមន នៃខេត្តកំពង់ស្ពឺ ជាប់ជាក្រុងដែលស្អាត រំដួល១ទង ដែលវាយតម្លៃដោយគណៈកម្មាធិការជាតិវាយតម្លៃទីក្រុងស្អាត ដែលមានសពុលភាពពីឆ្នាំ២០១៨ ដល់ឆ្នាំ២០២១ ខណៈការវាយតម្លៃពីឆ្នាំ២០២២ និងចាប់ផ្ដើមពីខែ ឧសភា ដល់ខែតុលា ឆ្នាំ២០២១៕